Zer egin zuen Wangari Maathaik?

Zer egin zuen Wangarik? Gauza asko!!!
Bizi osoa mundu hobea uzten eman zuen. Emakume borrokalaria, bizizalea eta aktiboa izan zen, eta emakumeen, haurren eta Lurraren eskubideak defendatzeko borrokatu zen. Maathai-k zuhaitzak babestea pertsonentzako ura eta elikagaiak bermatzea eta goseteen eta haurren heriotzen aurka borrokatzea dela ulertu zuen. Bakearen Nobel Saria jaso zuen lehen emakume afrikarra izan zen, 2004an, garapen jasangarriari, demokraziari eta bakeari emandako sostenguarengatik, baina Afrika Erdiko lehen emakumea izan zen doktoretza bat jasotzen eta Nairobiko Unibertsitateko lehen dekano emakumezkoa. 1977an Gerriko Berdea Mugimendua sortu zuen (Green Belt), Kenya basoberritzeko lana hartu zuen erakundea, 70 milioi zuhaitz baino gehiago landatu dituena. Hauxe dute leloa: Harambee! (bultza dezagun batera, kikuyu hizkuntzan) eta ondasun komunaren aldeko ekintza kolektibo baten ikurra da.

.

Prezi

Orain bideo bat ikusteko aukera izango duzue

WANGARI MAATHAI: Biografia

WANGARI MAATHAI

Wangari Maathai ingurumenaren aldeko ekintzailea eta politikaria izan zen.

Ihithe-n, Kenian jaio zen 1940 apirilaren 1-ean eta Nairobin, hil zen Kenia, 2011-ko irailaren 25-ean. Ameriketako Estatu Batuetara ikastera joan zen 20 urterekin eta biologian doktoratu zen. 30 urte baino gehiago eman zituen oihanen suntsipenaren aurka borrokatzen. “Zuhaitzen ama” jarri zioten ezizena. Green Belt Movement zuhaitzen aldeko mugimendua sortu zuen, gaur egun Tanzania, Uganda, Malawi, Lesotho, Etiopia eta Zimbawe estatuetan ere hedatuta dagoena. Halaber, bere herrialdeko gobernuan izan zen 2003tik 2005 arte, betiere ingurugiroaren alde lan eginez. 2004an Bakearen Nobel saria eman zioten, «garapen sostengagarriaren, bakearen eta demokraziaren alde egindako lanagatik». Bakearen Nobel saria lortu duen Afrikako lehen emakumea izan da. Zoritxarrez 71 urtekin hil zen.